Конкурс за филмска критика во рамки на Синедејс

Конкурс за филмска критика е објавен во рамки на Фестивалот на европскиот филм „Cинедејс“.

Конкурсот, информираат од Младинскиот културен центар, е од отворен карактер, а пред сè е наменет нa оние што би сакале да го прикажат својот неоткриен потенцијал и талент за пишување во овој специфичен новинарски израз, а се на возраст до 35 години.

Текстовите не треба да се подолги од една страница, односно повеќе од 70-тина реда, а секој од пријавените може да испрати максимум до три текста.

Наградите за трите најдобри филмски критики ќе ја додели тричлено жири. Авторот на првонаградената критика ќе добие 12.000 денари, на второнаградената 9.000 денари, а на третонаградената 6.000 денари.

Конкурсот важи само за филмовите во натпреварувачките програми на фестивалот – Официјалната селекција и селекцијата CineBalkan. Текстовите може да се испратат на електронска пошта на contact@cinedays.com.mk, најдоцна до 11 ноември

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.