Паоло Малдини, еден од најдобрите, ако не и најдобриот одбранбен играч на сите времиња, го кажа своето мислење кога е во прашање споредбата помеѓу Меси и Роналдо. Оваа полемика се заостри во последните неколку месеци, кога започна дебатата околу победникот на „Златната топка“.
– Наградата треба да заврши во рацете на најдобриот играч, а не кај оној кој што освоил најмногу трофеи претходната година. И тоа без разлика колку тој бил јунак или не во победите на неговата екипа. Така да моето мислење е дека Лионел Меси ја заслужува оваа награда не само оваа година, туку и секоја претходна и секоја наредна, се додека не се појави некој подобар од него – вели италијанската фудбалска легенда.
Од ова лето се подразбира дека победник е Кристијано Роналдо, бидејќи ја освои Лигата на Шампионите и Европското првентво со Португалија. Од друга страна, шансите на Меси се намалија по промашениот пенал во финалето на Копа Америка и покрај двојната круна во Шпанија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
