Текстовите за наводна “тешка собраќајна незгода со последици” се невистини и координиран напад за штета на угледот на Спасов

Кабинетот на заменик-министерот за труд и социјална политика Диме Спасов испрати реакција во врска со натписите на опозициските медиуми дека во текот на ноќта се случила тешка сообраќајна несреќа со настанати штети.

Во продолжение реакцијата ви ја пренесуваме интегрално

Во врска со одредени наслови и текстови на портали кои денеска беа објавени, за наводна “тешка сообраќајна незгода со последици” должни сме да реагираме, бидејќи истите се базираат на невистини, шпекулации и груби дезинформации кои очигледно се смислени за да наштетат на угледот на дополнителниот заменик-министер за труд и социјална политика.

Опозициските портали дрско и непоткрепено манипулираа дека се случила тешка сообраќајна несреќа со настанати штети што е целосна невистина. За овој типичен пример на организиран и координиран напад поттикнат во политички цели против дополнителниот заменик министер во наредните денови не е исклучено и поведување постапки пред надлежните судови за докажување на вистината.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.