Времето претпладне во Македонија ќе биде сончево со мала до умерена облачност. Во одделни котлини и речни долини ќе има појава на слаба магла и ниска облачност. Преку денот се очекува да се намалува облачноста. На повисоките места и на планините ќе дува слаб до умерен југоисточен ветер.
Утринската температура ќе се движи од шест до 12, а дневната од 18 до 24 степени.
Во Скопје претпладне променливо облачно, а во попладневните часови ќе има подолги сончеви периоди. Утринската температура ќе се спушти до 10, а дневната ќе се искачи до 21 степен.
Утре ќе преовладува променливо облачно време со сончеви периоди, но кон крајот на денот ќе има локални врнежи од дожд и зголемување на облачноста. Во попладневните часови ветерот ќе го промени правецот од југоисточен кон северен и ќе предизвика значително опаѓање на температурите за седум до 10 степени.
Во четврток ќе преовладува променливо облачно и студено време со повремени врнежи од дожд, нешто пообилни врнежи се очекуваат во јужните делови. Поради спуштање на студен воздух од север во текот на ноќта кон петок и во петок претпладне на повисоките места и на планините во северозападниот дел од земјава врнежите ќе поминуваат во снег.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
