| четврток, 6 декември 2018 |

Експлозија во центарот на Атина

Поставена експлозивна направа доцна синоќа била активирана во центарот на Атина, јавија денеска грчките медиуми.

Грчката полиција соопшти дека експлозијата била со мала моќност, дека нема настрадани лица и дека се предизвикани само помали материјални штети.

Претходно, непознато лице се јавило во редакцијата на весникот „Ефимерида тон синдактон“, предупредувајќи дека за половина час ќе експлодира бомба.

Како што наведоа од редакцијата, анонимниот маж побарал за тоа да не ја информираат полицијата.

Реонот околу местото на експлозијата бил евакуиран пред да биде активиран експлозивот.

Досега никој не презеде одговорност за експлозијата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top