Неда Украден: Не му бев љубовница на Гадафи

Десет години тивко се шири приказната за Неда Украден и поранешниот либиски претседател Моамер Гадафи дека наводно биле во љубовна врска, односно дека Неда била една од многуте жени на Гадафи.

-Не сум била во емотивна врска со Гадафи, во 2006 година прв и последен пат го водов, но знам дека по моето враќање од Либија се зборуваше дека сме имале афера. Се зборуваше дека сум го запознала иште додека студирав во Сараево, каде што и тој наводно студирал, но за жал тоа не е точно, со смеење раскажува Неда Украден.

news-2010-september-neda_ukraden_702116632

-Кога го видов првпат во жив, делуваше како скромен човек. Многу долго го чекавме и очекувавме околу него да има многу луѓе од обезбедувањето, а тој се појави ноншалантно и се каруваше со сите. Беше облечен скромно и делуваше повеќе како свештеник отколку како владетел на толку богата земја, се сеќава Неда, која на либискиот претседател без музика му ја отпеала омилената песна.

-Ми рекоа дека Гадафи многу ја сака мојата „Зора је сванула“ , па му ја отпеав на уво, без музичка придружба. Токму поради таа песна барал да присуствувам на собирот, зашто еден од неговите соработници ја запознал својата сопруга на мој концерт во Сараево и тоа токму на таа песна. Тогаш имаше околу 60 години, беше многу негуван човек во добра кондиција, а делуваше и многу смирено и одмерено, раскажува Неда, која од Гадафи, како и повеќето жени, добила златен накит за подарок.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.