Не е потребна наука или логика за да заклучите дали покрај себе ја имате личноста за цел живот. Доволно е само да ги следите скриените сигнали кои ќе ви откријат дека едноставно судено ви е да бидете заедно.
Еве кои знаци го потврдуваат тоа:
Сакате да истражувате заедно
Било да е тоа пат кон некоја планина, нов ресторан во градот, нови локации за излегување или секс, доколку двајцата сте секогаш расположени со заеднички сили да истражите нешто ново, интересно што ќе ве задоволи двајцата, работите кои ги учите и откривате заедно значат дека сте способни заедно да се развивате.
Имате слични интереси
Ќе го отфрлиме мислењето дека спротивностите се привлекуваат, затоа што за една долгогодишна и цврста врска потребно е двајцата да се сложуваат на повеќе нивоа и да имаат слични интереси и теми за разговор. Нема ништо поубаво од тоа кога и после сексот супер се забавувате, разговарате и уживате еден со друг и без физички контакт.
Имате доверба еден во друг
Способноста да му верувате на партнерот и да се чувствувате пријатно додека му откривате и некои срамни работи или некои од најмрачните искуства во вашиот живот, тоа многу кажува за вашата силна врска.
Не можете да престанете со бакнежите
Физичката привлечност не е сè, но дефинитивно е многу важна. Доколку постојано имате потреба својата драга личност да ја бакнувате, да ја гушкате, не е потребно да нагласуваме дека веројатно сте во прегратка со правата личност.
Неговите пријатели ве обожаваат( како и вие нив)
Семејството е важно, но со пријателите поминувате повеќе време. Добивате бонус поени ако немате ништо против тоа да ја поминете вечерта со неговите пријатели, а дупли поени добива тој ако може да ја помине вечерта со вас и вашите пријателки.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
