СВР Тетово идентификувало едно лице кое е се сомничи дека било учесник во сообраќајната несреќа што синоќа околу 20 часот и 25 минути се случила на автопатот Гостивар Тетово спроти спортската сала во Пироко во која Н.О.(78) од гостиварска Горна Бањица го загубил животот, информираше портпаролот на СВР Тетово Марјан Јосифовски.
Според него, денеска околу 14 часот во полициската станица Гостивар се пријавило 47 годишно лице од Добридол со кое бил извршен службен разговор пришто по наредба на јавен обвинител било задржано.
Обезбедено е и патничкото возило Фијат за кое се претпоставува дека учествувало во сообраќајката и тоа крим технички ќе се вештачи со цел целосно расчистување на случајот, посочи Јосифовски.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
