Мечката Евка ги исплаши сите присутни и вработени во Зоолошката градина во Познан, кога пронашла стара бомба од Втората светска војна и си играла со неа, но по барањето таа ја предала на пиротехничарите.
-Мечките се вонземски интелигентни. Денеска мечката Евка пронашла артилериска граната од Втората светска војна и ја предала. Се извинуваме за толпата, овој настан не се планира, се вели во соопштението од зоолошката градина кој се наоѓа во овој град во западниот дел на Полска.
Стражарите веднаш штом забележале дека Евка меѓу забите има бомба, веднаш ја оддалечиле мечката и ја затвориле во објектот кој се наоѓал на 100 метри оддалеченост од нивните кафези , повикале полиција и пиротехничари кои набрзо ја деактивирале бомбата.
За среќа, немало потреба да се евакуираат посетителите на зоолошката градина, бидејќи Евка ја пронашла бомбата во делот кој не е наменет за посетители туку само за вработени лица.
Евка за овој случај како награда добила една голема тегла мед.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
