Хоророт во Алепо низ фотографии: Само денеска загинаа 25 цивили

Најмалку 25 луѓе загинаа во денешните воздушни напади врз бунтовничките региони во Алепо, соопшти Сириската опсерваторија за човекови права.

Организацијата со седиште во Лондон наведе дека во вчерашните напади загинаа над сто луѓе. Сириската армија демантира дека извршила напади врз цивили во Алепо, потенцирајќи дека напаѓала само позиции на терористите.

Сириските владини сили денеска презедоа контрола над реонот Хандарат, северно од Алепо, што досега беше под контрола на бунтовниците.

Сириската опсерваторија за човекови права соопшти и дека по прекинот на примирјето во Сирија загинале 173 луѓе во бунтовничките делови на Алепо. Меѓу жртвите 26 се деца.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.