Времето утре претпладне во Македонија ќе биде сончево и топло со мала до умерена облачност. Попладне нестабилно со локален пороен дожд и грмежи, претежно во западните и југоисточните делови. Ќе дува слаб до умерен ветер од југозападен правец.
Утринската температура ќе се движи од девет до 15, а дневната од 26 до 32 степени.
Во Скопје претпладне сончево и топло со мала до умерена облачност, а кон крајот на денот е можна појава на краткотраен дожд. Ќе дува слаб до умерен ветер од југозападен правец.
Утринската температура ќе се спушти до 15, а дневната ќе се искачи до 30 степени.
УВ-индексот ќе има вредност 6.
И во недела ќе има услови за локален развој на нестабилна облачност проследена со пороен дожд и грмежи, претежно во западните и југоисточните делови. Позначителна промена на времето ќе има во понеделник кога ќе преовладува облачно и свежо време со почести врнежи од дожд, на места пообилни, а температурата значително ќе опадне.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
