Ако победи Клинтон, Албанците на Косово подготвуваат чистка на Србите од северот

Разузнавачките податоци откриваат дека Албанците во Косово наголемо подготвуваат насилни акции против Србите, пишуваат српските медиуми. За тоа да се случи потребно е на претседателските избори во САД да победи кандидатот на демократите, Хилари Клинтон.

Хилари и нејзиниот сопруг Бил важат за големи поддржувачи и пријатели на Албанците во Косово. Тие беа главни промотори Косово да прогласи независност, па поради тоа тамошните Албанци сметаат дека ќе добијат поддршка во пресметката со Србите.

kosovo golema bogorodica

Колку Косовците ја обожаваат брачната двојка Клинтон кажува и фактот што во центарот на Приштина Бил има статуа, а Хилари засега има само бутик кој го носи нејзиното име.

Според весникот „Ало“, Албанците сите финансиски ресурси ги имаат фрлено на победата на Клинтон на изборите.

– Албанците сакаат да го исчистат северот на Косово каде што живеат Срби. Мета ќе бидат и Србите кои се повратници во општините Клина и Пеќ, а немирите лесно би можеле да се прелеат на југот на Србија – предупредуваат разузнавачите.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.