Најдефицитарниот кадар во Германија се возачите на речиси сите копнени превозни средства, известува „Дојче веле“ наведувајќи дека ситуацијата е особено критична во јавниот превоз во градовите.
Дел од здруженијата на работиници веќе предупредиле дека доколку нешто наскоро не се преземе, во Германија ќе настана проблеем до пренесување на патници и роба од точка А до точка Б.
Здружението на германски превозици (ВДВ) укажало на разликата помеѓу густата мрежа на градскиот превоз и се поголемиот број на возачи кои си одат во пензија или се пред пензионирање.
Ситуацијата е особено критична со машиновазачите.
– Никој веќе не сака да ги вози локомотивите, се пожалиле од синдикатот на машиновазачите.
Во моментов во Германија недостасуваат околу 800 машиновозачи, а никој не пројавува интерес за оваа работа во која има и трети смени и доста часови минати сам на работното место.
Во граовите како Берлин очајнички се бараат возачи за во јавниот превоз. Просечната старост на берлинскиот возачи на подземните и надземните железници е 50 години.
Откако Германија пред неколку години од укина монополот на железниците во меѓуградскиот сообраќај, се појави дефицит и на возачи на автобуси на подолги релации.
И германското здружение на автобуски превозници потврдува за недостигот кој го проценува на околу 2 000 возачи. Во следните години, како што проценуваат тие, оваа бројка би можела да порасне на 10 000.
Заради оваа ситуација на пазарот на трудот во Германија, започнале и кампањите „Придвижи нешто – биди возач на автобус“.
Слична е ситуацијата и за оние кои транспортираат роба. Во моментов за овие работни позиции се обучуваат 7 000 млади лица, но тој процес оди пребавно за тие да го надополнат недостигот на пазарот на труд.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
