Ланската полуфиналистка на УС Опен Симона Халеп успеа вчеравечер да ја совлада Тимеа Бабош и да се пласира во осминафиналето на Грен слем турнирот. Халеп го доби првиот сет со 6:1 во гемови, но ривалката изедначи откако беше подобра во вториот сет со 6:2. Во решавачкиот сет беше 6:4 за Халеп. Таа во следното коло ќе игра против Карла Суарез Наваро, која со 2-0 во сетови (6:4 и 6:3) ја победи Елена Веснина.
Пласман во осминафиналето обезбеди и четвртата носителка Агнешка Радванска која со 2-0 во сетови (6:2 и 6:3) ја победи Каролине Гарсија, додека Јарослава Шведова со истиот резултат 2-0 (6:2 и 7:5) ја победи Шуаи Жанг.
Кај мажите од денешната програма заврши само еден меч од 3.коло. Доминик Тием со 3-1 во сетови (1:6; 6:4; 6.4 и 7:5) го победи Пабло Карено Буста.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
