Димитриев: Андонов е човек со кредибилитет и максимално професионално ќе ја извршува функцијата

Собранието на Република Македонија попладнево расправа по предлогот на Владата, Оливер Андонов да ја врши функцијата министер за внатрешни работи, откако денеска оставка на ова место поднесе досегашниот министер Митко Чавков.

Премиерот Емил Димитриев, образложувајќи го предлогот, рече дека од биографијата на Андонов може да се види дека целосната негова кариера е во сферата на одбраната и безбедноста.

-Се работи за поранешен припадник на АРМ, потоа на МВР, а во делот на науката, сите негови постдипломски и докторски студии се во областа на безбедноста. Се работи за човек кој покрај тоа што работел во МВР, со својот научен кредибилитет и постигнувања во безбедноста ќе даде максимум за што е можно попрофесионално извршување на функцијата министер за внатрешни работи, рече Димитриев.

Додаде дека како претседател на Владата, сметаат и на Митко Чавков кој има одлично работно искуство и професионално во МВР и како што додаде со него планираме да биде на една од клучните позиции во министерството.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.