Превезите не се дел од традицијата: И муслиманките некогаш ја покажувале убавината

Никаб, хиџаб, бурка – постојат голем број различни покривки што ги носат жените муслиманки низ целиот свет. Некои носат шамии за да ги покријат главата и косата, додека други носат бурка или никаб, што го покриваат и лицето. Носењето шамија се смета за знак на пристојност и симбол на верата.
Но, жените во муслиманскиот свет традиционално не ја сокривале убавината за да покажат почит кон верата.

Во светот, особено во источниот, се погласно се зборува за враќање кон корените и ослободување на жените од превезите. Во едно истражување спроведено во Тунис, Египет, Ирак, Либан, Пакистан, Саудиска Арабија и Турција, земји со мнозинско муслиманско население, мнозинството претпочита жените да ја покриваат косата, но не и лицето. Сепак, во Либан и во Турција, мнозинството смета деканема потреба жените воопшто да ја покриваат главата во јавност.

Во продолжение можете да прочитате кратки објаснувања за секоја од различните видови покривки.

Хиџаб

Хиџабот е превез што жените традиционално го носат во присуство на возрасни мажи надвор од нивното потесно семејство, а служи за покривање на главата, косата и вратот. Хиџабите се носат во различни стилови и бои, а најчесто користениот вид на Западот ги покрива главата и вратот, но не и лицето.

Никаб

Никабот е превез за лицето, кој е отворен во пределот на очите, но може да се носи и со посебна мрежа за очи, во комбинација со марама.

Бурка

Бурката е најзатворен од сите превези и се состои од еден дел кој ги покрива и лицето и телото, често со тесна мрежа во пределот на очите.

Ал-амира

Ал-амира е дводелен превез, составен од тесна капа, најчесто изработена од памук или полиестер, и шамија.

Шајла

Во регионот на Персискиот залив популарна е и т.н. шајла, долга правоаголна марама која се замотува околу главата и се прицврстува на рамената.

Химар

Некои муслиманки носат и химар, превез со должина до половината, кој целосно ги покрива главата, вратот и рамената, но не и лицето.

Чадор

Многу Иранки носат чадор, вид на наметка која го прекрива цело тело, а честопати под него се носи дополнителна марама на главата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.