Во централниот дел на Хрватска, во Карловачката жупанија, се наоѓа една напуштена шупа во шума која со години претставувала голема мистерија. По минати децении, неодамна, целосно е истражена нејзината внатешност и откриено е дека таа била атомско засолниште, изградено за време на Југославија и била една од најголемите тајни на поранешна ЈНА.
Лифтот во оваа навидум обична куќарка, кој го носела името “Mагаревац”, бил голем и на три нивоа и бил особено специфичен. Всушност, тој не одел нагоре, туку се спуштал 50 метри под земја, каде што е скриено засолништето кое било изградено како заштита во случај на напад од атомска бомба. Тоа било опремено за без никаков проблем таму да може да се живее 3 месеци без излегување.
Пензионираниот полковник, Златко Чишпер, објаснува дека специјализираната станица “Петрова Гора”, како што била нарекувана оваа скривница, се простира на 2 000 метри квадратни и има голем број на простории – електрична централа, кујна, гардеробери, спална соба, како и просторија за деконтаминација.
Сите соби имаат посебни прегради и врати со шок вентили за заштита во случај на паѓање на атомска бомба, а на излезот има бетонска врата тешка 40 тони, конструирана да го разбие и запре бранот на нуклеарниот удар.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
