СДСМ инсистира СОРОС да раководи со ад хок телото во Агенцијата за медиуми. СДСМ до сега ги предложи Горан Трпеновски кој долги години беше новинар на Вест и соросовиот активист Љубомор Костовски. Сега опозицијата во ад хок телото за медиуми инсистира да влезе и Сефер Тахири, еден од оние кои редовно се дел од проектите финансирани од СОРОС.
Извори на Press24 велат дека како што се наближува датумот за избори, СДСМ почнува да се враќа на познатата тактика на блокада на процесите за излез од кризата, тенденциозно предлагајќи кадри за кои однапред знае дека не може да бидат прифатени, особено ако се има предвид дека истите редовно искажуваат ставови па дури и навреди кон новинарите и медиумите кои не се дел од структурите на СОРОС и кои не работат согласно уредувачката политика која се креира на Бихаќка. Покрај Тахири, СДСМ го предлагале и Петрит Сараќини кој покрај активностите во структурите на СДСМ и СОРОС, во јавноста стана познат кога се обиде со метална шипка да го нападне новинарот Бобан Нонковиќ.
Експертите велат дека не треба да изненадува тоа што преку предлози за кои однапред се знае дека не може да бидат прифатени, СДСМ прави обиди да се опструира процесот кој треба да резултира со избори на 11 декември, особено ако се има предвид дека во опозицијата на сите им е јасно дека доколку излезат пред граѓаните оваа зима ќе доживеат реприза на изборите од 2014-та, кога загубија со близу 200.000 гласа разлика.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
