Дрско и нечовечки е во услови на кризна состојба некој ќе се осмели да демолира училиште, уште повеќе кога тоа училиште е центар од кој се дели хуманитарна помош и се координираат теренските активности за поефикасно санирање на штетите од поплавите.
Вчеравечер непознати сторители упаднале во училиштето „25 Мај“ и демолирале неколку училници.
Градоначалникот на општина Гази Баба Тони Трајковски на својот профил на Фејсбук објави фотографии од демолираното училиште и повика несовесните граѓани да се воздржат од вакво недолично однесување.
„Во време кога се прават напори за стабилизирање на состојбата на терен по поплавите кои направија голема штета на голем број домаќинства, во старото училиште “25 Мај” имаше упад од страна на несовесни лица кои оштетија голем дел од училишниот инвентар. Се упатува апел да не се прават дополнителни штети во ситуација кога треба да се помогне на најзагрозените жители од Гази Баба“, апелира градоначалникот на Гази Баба.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
