Без лубеница не можеме да го замислиме летото, што и не е така лошо затоа што, освен што ќе ве разлади, освежи и засити, лубеницата содржи и низа корисни состојки кои поволно влијаат врз целокупното здравје на организмот.
Лубеницата е особено хидрирачка (околу 92 % вода) и содржи многу малку калории. Вклопувањето на лубеницата во секојдневната исхрана нуди многу бенефити за кардиоваскуларниот систем, очите и имунолошкиот систем.
Ликопенот во лубеницата е особено корисен за кардиоваскуларното здравје, кој исто така е многу важен и за здравјето на коските. Конзумирањето поголеми количини од ова слатко овошје е поврзано и со подобар крвоток и нормализирање на крвниот притисок.
Лубеницата е богата и со калиум кој го задржува калциумот во телото, што придонесува за силни коски и зглобови.
Кутрилинот во лубеницата придонесува за акумулација на мастите. Тој е амино киселина која им помага на бубрезите. Лубеницата е богата си со флавоноиди, каротениди и тритерпеноиди кои се значајни бидејќи ги намалуваат воспаленијата и го неутрализираат дејството на слободните радикали.
Лубеницата е и природен диуретик кој овоможува чистење на телото. Таа помага и во функционирањето на црниот дроб што дополнително му помага на телото да се ослободи од течностите. Богата со калиум, таа е и природен електролит кој ја регулира активноста на нервите и мускулите во телото.
Количеството на витамин Ц во лубеницата е многу високо. Тоа е добро за имунолошкиот систем, но и во лечењето на раните.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
