Подобро повеќе паузи за тоалет, отколку расипан одмор

Тврдата и нередовна столица со сигурност ќе ви го расипе патувањето и одморот, а имајќи ги предвид промената на климата и на исхраната, овие проблеми најверојатно ќе ве снајдат.

За да се избегне вакво непријатно сценарио, како и мачнината додека се возите со некое превозно средство, постојат неколку нутриционистички трикови:

Појадок

Одмор е времето кога треба да се отпуштите и да си дозволите секакви специјалитети, но, сепак, тоа не важи за појадокот. Место омлет или сувомеснати производи, консумирајте мусли, корнфлекс или овошје. Растителните влакна на овие производи се многу корисни, а заедно со утринското кафе, ова се оброците што ќе ви помогнат во утринското чистење на организмот.

Вода

Најдобриот појадок по бурна ноќ е водата, но таа е важна и во случај да не сте консумирале алкохол. Водата е важна за заштита од дехидратација на телото, со што повторно се јавува проблемот со нередовна столица. Пијте вода и додека патувате. Иако почесто ќе застанувате на паузи, тоа е време кое треба да го искористите за протегнување на нозете, што е исклучително битно за вашиот организам.

Кафе и алкохол

Кафето и алкохолот во авионот може да предизвикаат само главоболка и дехидратација. Оставете ги за подоцна, а додека летате, пијте многу вода – голтка по голтка.

Патување со брод

Немојте да избегнувате да јадете пред патувањето со брод. Ниското ниво на шеќери во крвта го засилува чувството на мачнина.Препорачливо е грицкање на кекс со ѓумбир, грисини или крекери.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.