Судот во Истанбул ослободи денеска 758 од 989 регрути, кои беа уапсени во рамки на истрагата за обидот за пуч на 15 јули во Турција.
Откако дале изјави, Главното републичко обвинителство во Истанбул побара ослободување на овие регрути, а судот ја донесе одлуката оценувајќи дека повеќе нема потреба за нивно притворање, имајќи предвид дека не претставуваат опасност. Меѓу ослободените се наоѓаат и питомци на воената академија.
Според податоците на турскиот министер за внатрешни работи Ефкан Ала, повеќе од 9.000 лица, главно припадници на армијата, се уапсени во акциите по неуспешниот преврат против претседателот Реџеп Тајип Ердоган.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
