Златан Ибрахимовиќ, по три сезони минати во ПСЖ, се одлучи да се пресели во редовите на Манчестер јунајтед. Со доаѓањето и на Жозе Мурињо на „Олд Трафорд“ пристигнаа уште неколку нови засилувања, но сигурно тука нема да биде крајот.
Веќе долго се најавува враќањето и на Пол Погба во Манчестер. Toa, наводно, треба да биде најскапиот трансфер во историјата на фудбалот. Но, околу тоа дека, сепак, Манчестер јунајтед нема доволно пари да го купи Погба свој коментар даде и Ибрахимовиќ. И, секако, во свој стил…
– Што? Слушам дека Погба за нас бил прескап, и разни такви приказни. Што сте смешни. Јас не гледам проблем во тоа. Погба ќе го купиме со парите од продажба на моите дресови. И нешто плус ќе остане – изјави Ибрахимовиќ пред англиските медиуми.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
