Ѕверското силување и убиство на тригодишната Ангелина Стефановиќ од Зајечар, Србија, како и дека девојчето е втора жртва на монструозниот убиец, разоткрива дека и покрај 680-те осомничени, во Регистарот на педофили и силувачи за три години впишани се само четворица, пренесуваат српските медиуми.
За да биде впишано лице во тој регистар, потребно е пресудата да стане правосилна, што во тие 680 случаи, до сега се решени само 4. Државата мора да ги решава проблемите, а не последиците, го пренесуваат медиумите адвокатот Мирослав Васиќ, што значи подобра превенција и решенија во казнената политика.
– Кај нас се брзо се заборава, па и по бранот апсења на педофили. Дури откако ќе се случи свирепо убиство, како сега, на дете, се наново излегува на површина- вели овој адвокат, кој посочува дека судењата мора да се забрзаат за тешки злодела, а потоа поодговорно да се ажурираат податоците во центрите за социјална работа и полицијата да има регистар на сите злодела.
Невропсихијатарот, докторката Славица Ѓукиќ- Дејановиќ, за медиумите посочува дека и лаик би се зачудил како е можно од 600 пријави, само четири судски пресуди да се правосилни.
-Драстично реагираат на минимални поводи и сакаат да ги задоволат секоја своја потреба и нагон, а кога нивната потреба е нарушена подготвени се и за огромни злодела. Важно е нивните соседи да знаат дека таква личност живее до нив, да го прифатат и да го следат бидејќи лица со такво пореметување се сторители на злодела- објаснува докторката.
Регистар на педофили во Македонија
Во Македонија од 2012 година постои регистар на педофили, со кој на интернет адресата на регистарот, може да направите пребарување по име презиме и по адреса.
-Посебниот регистар за лица осудени со правосилна пресуда за кривични дела за сексуална злоупотреба на малолетни лица и педофилија, координиран од страна на Министерството за труд и социјална политика на Република Македонија, кој се води во ЈУ Завод за социјални дејности – Скопје, овозможува пристап до одредени информации за сите осуденици за овие кривични дела. Оваа страна преку едноставно пребарување на крајниот корисник му овозможува пристап до листа на сите осудени лица за кривични дела за сексуална злоупотреба на малолетни лица и педофилија во која се содржани податоци за населеното место, општината и улицата на која живеат овие лица. Исто така, обезбедени се и информации со цел превенција на педофилијата, како и линкови кои би ги збогатиле Вашитe знаења за начините како би можело ваквото злосторство да се спречи- стои на страната на Регистарот.
Воведувањето на регистарот во 2012 година предизвика лавина реакции од дел од невладините организации кои тврдеа дека со јавниот регистар им се нарушувале човековите прав. По интервенција на Уставниот суд , законот беше ревидиран.
Поведувањето на постапката е затоа што Судот смета дека членот 5, во ставовите 2 и 3 не е доволно прецизен бидејќи се навлегува во личниот и семејниот живот на осуденикот и членовите на неговото семејство, како и во личниот и семејниот живот на жртвата.
На почетокот во регистарот беа наведени стотина имиња, меѓу кои и на четири жени.
-Во период од две ипол години, колку што се води, Регистарот го посетиле околу 280.000 граѓани и поради тоа сметаме дека неговото постоење е целисходно и оти овозможува заштита и превенција и на децата и поголема информираност на родителите- рече министерот за труд и социјална политика Диме Спасов при собраниската процедура за законската измена.
Според законот донесен во 2012 година, во регистарот се објавуваа имињата и фотографиите на осудените педофили на веб-сајт кој секој може да го посети. Спротивно од ова, таквите одредби од законот, според Уставниот суд, немаат уставна основа, со оглед дека со член 18 од Уставот се гарантира тајноста на личните податоци, а со член 25 се гарантира личниот и семејниот живот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Поврзани вести
-
Шокантна изјава на Бред Пит: Елита на педофили владејат со светот, Илуминатите ја водат секс трговијата со деца во Холивуд
-
Во Турција почна хемиска кастрација на сексуалните престапници
-
Илајџа Вуд: Врие од педофили во Холивуд
-
Родители внимавајте: овој симбол го користат педофилите за меѓусебно да се препознаат (видео)