Турската полиција се сомнева дека мозокот на нападот на аеродромот „Ататурк“ во Истанбул е Илхами Бали, алијас Абу Бекр, кој важи за шеф на ИД во Турција, пишува германски „Билд“.
Бекр е на црвената потерница на турските власти, а владата на таа земја во почетокот на годината распиша награда од 1,4 милиони долари за каква било информација за неговите планови или локација на која се наоѓа, пишува весникот.
Во синоќешниот терористички напад на истанбулскиот аеродром загинаа најмалку 41 лица, а скоро 250 лица се повредени.
Светските официјални лица жестоко го осудија овој напад со порака дека е време светот да се здружи во борба против тероризмот.
Тројца бомбаши-самоубијци прво со огнено оружје пукале во патниците, а потоа ги активирале експолозивните појаси.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
