Медел по жестокиот судир: Не грижете се, стативата е во ред

Гари Медел ги освои симпатиите на Чилеанците со својата порака на социјалните мрежи за жестокиот судир со стативата на дуелот против Аргентина. На средината од првото полувреме, Медел загуби една топка и му овозможи на Гонзало Игуиан да се најде осамен пред голманот Клаудио Браво. Напаѓачот биеше многу лошо, топката не одеше во голот, но за секој случај Гари Медел направи лизгачки старт и заврши во стативата.

Популарниот Питбул потоа се огласи на социјалните мрежи и со својата порака ги освои симпатиите на Чилеанците.

„Не грижете се!!! Штотуку ми кажаа дека сè е во ред со стативата и брзо ќе заздрави. Убав ден, шампиони!!!“, напиша Медел на „Твитер“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.