Пратеникот на ВМРО-ДПМНЕ, Васил Пишев во денешната изјава пред просториите на Специјалното јавно обвинителство, наведе дека според логиката на Фатиме Фетаи општина Струмица имала превоз двојно поскап од Токио.
– Секому е јасно дека Владе Талевски е жртва на политички прогон на СДСМ и СЈО. Толерирањето од страна на СЈО на основани сомнежи за тежок и огромен криминал што се одвива во општина Струмица под покровителство на Зоран Заев ја урива објективноста на СЈО и ја покажува нивната инструираност- рече Пишев.
Општината Струмица, како што додаде, е претворена во една голема пералница на пари.
– Струмичани плаќаат два пати поскап превоз од една Битола. Згора на тоа фирми на функционери на СДСМ добиваат милионски бизниси. Фирмите Тритерол само од општина Струмица имаат добиено тендери од 1.150.000 евра, а тендери добивале и од втората општина каде СДСМ има градоначалник, општина Куманово- истакна Пишев.
Додека СДСМ го насочува вниманието кон Битола и прави класична хајка, општина Струмица и Заев, како што рече Пишев, ја празнат општинската каса, и тендери добиваат фирми блиски до СДСМ.
Тој истакна дека за ова треба да реагираат институциите.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
