Кој е најзабавниот град во Европа?

Истражувањето кое го спроведе една американска туристичка агенција издвои 10 европски градови кои нудат најинтересна содржина за посетителите.

Во Европа се едни од најубавите градови во светот – Лондон, Париз, Венеција, Виена, Барселона, Рим, Истанбул, Амстердам, Атина. Сите имаат интересна и богата историја и култура.

Истражувањето покажало дека најзабавен европски град е Берлин.

Запален, бомбардиран, изолиран од остатокот на светот, Берлин во текот на својата турбулентна историја успеа да се обнови и да стане вистински „трендсетер“ во уметноста, кулинарството и забавата.

Улиците на таканаречениот „европски Њујорк“ се секогаш преполни со слободни уметници и креативци кои не седат во канцеларии, туку создаваат на самото место.

Берлин е издвоен и како дестинација која е совршена за пивопијци, но и сладокусци и гурмани кои на секој чекор може да уживаат во разни евтини и скапи деликатеси.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.