Амбасадата на Кралството Шпанија во Македонија го номинираше фестивалот Охридско Лето за престижната награда„Princess of Asturias Awards“ (Принцес оф астуриас авордс), на чија листа на лауреати се многу големи и значајни имиња како Френсис Форд Копола, Рикардо Мути, Леонард Коен и други личности од различни општествени сфери.
-Оваа номинација доаѓа по исклучителното гостување на оперскиот спектакл, кантатата „Кармина Бурана“ на продукциската куќа “Ла Фура Делс Баус“од Шпанија минатата, 2015 година. Се надевам дека оваа номинација е дополнителен поттик за квалитативен растеж на фестивалот „Охридско лето“ и во овој контекст на новиот директор на националната установа Охридско лето, Оливер Арсовски, сакам да му посакам успешно менаџирање со оваа наша најпрестижна музичко-сценска манифестација, рече министерката за култура Елизабета Канческа Милевска заблагодарувајќи се на селекторите на програмата, Гордана Јосифова-Неделковска и Ѓорги Јолевски кои континуирано, како шти рече, го вложувале својот професионален авторитет и ангажман во развојот на фестивалот како и до новинарите, кои со години давале поддршка на оваа манифестација, на културата и на културните настани во нашата држава кои не етаблираат на европската културна и туристичка мапа.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
