Екипата на Фенербахче со победа го отвори финалниот плејоф во Турција, совладувајќи го големиот ривал Ефес со минимални 87-85.
На првиот меч Фенер тргна лошо, па дури и во третиот период имаше негатива од 12 поени (40-52), но сепак, на крајот успеа да се избори за голема победа и водство во финалната серија. Избраниците на Обрадовиќ ја анулираа негативата во финишот на третиот период (57-57), а до водство дојдоа во средината на последниот, со 70-68. Највисоката предност кошаркарите на Фенербахче ја имаа во финишот кога водеа со 82-75.
Лидер кај Фенербахче беше Удо со 18 поени, а го следеше Мухамед со 17 поени, додека Весели и Мелих додадоа по 12 поени. Македонскиот кошаркар Перо Антиќ не доби минутажа на оваа средба. Наредниот меч од финалната плејоф-серија се игра на 5 јуни.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
