Проектот за бесплатно одмор за деца од социјални загрозени семејства ќе продолжи и оваа година, со што четврта година по ред дечињата ќе имаат можност бесплатно да летуваат или зимуваат.
До сега околу 12.000 деца од семејства во социјален ризик и приматели на посебна помош ја имаа можноста да заминат на летување или зимување.
-Годинава кон средината на јуни ќе заминат уште околу 2.000 деца. За тоа се обезбедени околу 8 милиони денари, а зимава на зимување ќе заминат уше 1.000 деца. Ова е извонредна можност која што ја немаше во минатото, децата на семејствата кои што се во социјален ризик и кои што се со многу ниски примања и кои што се зависни од социјалната помош која што ја дава државата со години немаа можност да заминат некаде на одмор и како нивните врсници да го почувствуваат сето тоа и да можат кога ќе се вратат со другарчињата да споделат како поминале, што виделе што научиле како се одмориле или како се забавувале, вели лидерот на ВМРО-ДПМНЕ Никола Груевски.
Оваа мерка е започната во 2012 година, а беше најавено во 2011 година и истата веќе стана традиција во периодот додека ВМРО-ДПМНЕ е на власт.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
