Без електрична енергија утре од 8:30 до 12:00 часот ќе бидат корисниците од дел од улиците „Лисец“ и „Божидар Рајковиќ“, а од 8:30 до 16:00 часот корисниците од број 26 до број 30 на булевар „Кузман Јосифовски Питу“, улица „Симеон Кавракиров“ и околината на објектот Тобако-2, во општина Аердром.
Како што соопшти Регионалниот центар за управување со кризи на Град Скопје, прекинот е поради технички зафати во електро-мрежата.
Без струја од 9:00 до 15:30 часот ќе останат и корисниците од улица број 22 во село Волково, во општина Ѓорче Петров, а од 9:00 до 13:00 часот корисниците од улиците „Мирче Ацев“, „705“ и дел од булеварот „Трета Македонска Ударна Бригада“ поточно корисниците во околината на објектот на Центарот за јавно здавје – Скопје, во општина Центар.
Од 9:00 до 15:00 часот без елекртична енергија ќе бидат и корисниците од улиците „Габреш“, „Христо Ботев“, „Ташко Караџа“ и „Лазар Поп Трајков“, во општина Гази Баба.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
