Добротворен базар по повод Меѓународниот ден за заштита на правата на детето

И оваа година ќе се одржи Меѓународен добротворен базар во организација на „Добредојде“ Macedonia Welcome Center – DMWC , а по повод 1-ви јуни – Меѓународниот ден за заштита на правата на детето.

DMWC го оранизира Добротворниот базар во соработка со странските амбасади во Македонија и бизнис заедницата, а со поддршка на град Скопје, и е еден од ретките вакви настани кај нас.

Базарот ќе се одржи на 4 јуни (сабота), во Градскиот трговски центар (ГТЦ) во Скопје, со почеток во 11 часот.

Базарот за отворен ќе го прогласат: Г-ѓа Емилија Миладинова Аврамчева – претседател на DMWC, Г-дин Коце Трајановски – градоначалник на Град Скопје, Н. Е г-дин Чарлс Гарет – амбасадор на Велика Британија во Македонија и почесен претседател на Базарот за 2016 година.

11.00 часот – отворање на Базарот

11:30 -13:00 Музичко-сценски настап на ученици од: Американско училиште (American School), Британска детска академија (Британска градинка), Дневен центар за деца од улица – Шуто Оризари, Француско меѓународно училиште, КУД Цветан Димов, Меѓународно училиште НОВА, Меѓународно училиште Кју – Ес – Ај (QSI), НВО Сумнал, Центар за модерни и спортски танци „Прима Данца“

14:00 Лотарија – извлекување на добитни броеви

15:00 Доделување на благодарници на учесниците и спонзорите

16:00 Затворање на Базарот

Aмбасади кои ќе промовираат и продаваат производи и сувенири од нивните земји:

Амбасада на Република Албанија
Амбасада на Република Бугарија
Амбасада на Велика Британија
Амбасада на Република Италија
Амбасада на Исламска Република Иран
Амбасада на Држава Катар
Амбасада на Народна Република Кина
Амбасада на САД
Амбасада на Република Србија
Амбасада на Република Словачка
Амбасада на Република Словенија
Амбасада на Република Турција
Амбасада на Република Франција
Амбасада на Црна Гора
Амбасада на Кралството Шпанија
Амбасада на Кралството Холандија

Меѓународни Организации: ОБСЕ – Организација за безбедност и соработка на Европа, Меѓународниот Монетарен Фонд (ММФ), Делегација на УНИЦЕФ, Скопје, Делегација на Европската Унија, Скопје

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.