Груевски: Градежни зафати и инвестиции во здравствените капацитети во Македонија

Градежни зафати заедно со инвестиции во опрема освен во болницата во Струмица ќе се инвестираат и во здравствените капацитети во Штип, Прилеп, Куманово, Скопје, Лабуништа и Охрид.

Покрај планираните над 7 милиони евра инвестиции за струмичката болница, Груевски и министерот Тодоров се осврнаа и на останатите проекти.

За најмногу 30 до 40 дена новата амбуланта, заедно со нова служба на брзата помош ќе им биде достапна на граѓаните на Лабуништа а со тоа ќе се покријат и потребите на жителите на Боровец, Октиси, Подгорец.

Се работи и на новата болница во Штип која ќе претставува регионален клинички центар и која треба да биде готова за 24 месеци.

Освен реновирањето и опремувањето на Охридската болница во моментот се работи на реконструкција и изградба на болницата за белодробни заболувања СВ Еразмо во Охрид каде се инвестираат некаде околу 200 милиони денари.

Се врши комплетна реконструкција и на општата болница во Битола при што се инвестираат 107 милиони денари за изградба на енергетска фасада и замена на старите со нови прозори кои што треба да обезбедат заштеда на енергија и треба да се заврши до крајот на годината.

Продолжуваат градежните работи и во Прилепската болница. И таму се одвива комплетна внатрешна реконструкцијавредна 70 м денари, која треба да биде готова кон крајот на август.

Во тек се градежни активности и на велешката болница во вредност од 17 милиони денари, при што Тодоров најави и санација на инфективното одделение. А набрзо ќе се почне и со градежни активности и нов ургентен центар во Куманово.

Во меѓувреме се изгради болницата за детски болести Козле, се реконструираше тетовската болница, а многу брзо, по надминување на проблемите со проектот се планира и почеток на реконструкција на старата градска болница во Скопје СВ Наум Охридски, како и реконструкција на фасадата на болницата 8 септември, која во програмата е предвидена во 2018та година.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.