Стариот тандем во нов тим. Фернандо Алонсо и Луис Хамилтион од следната сезона може повторно да бидат клупски колеги, но овој пат во болидите на Мерцедес. Шефот на Мерцедес, Тото Волф, призна дека доколку преговорите со Нико Розберг не завршат со потпис на новиот договро, тогаш прва алтернатива за тимот ќе биде Фернандо Алонсо.
Розберг ја продолжи соработката со Мерцедес во 2014 година, но сега треба да си го осигура место во тимот за следната сезона. Волф појасни дека Розберг им е прв избор, но дека имаат и резервна варијанта.
– Алонсо е еден од најдобрите возачи во историјата и ми се допаѓа неговиот карактер, но за нас приоритет е Нико Розберг. Ако тој не сака да го продолжи договорот со Мерцедес, тогаш ќе ги разгледаме и другите варијанти, како Алонсо – изјави Волф.
За шефот на Мерцедес воопшто не е проблем тоа што 35-годишниот Фернандо Алонсо е еден од највозрасните возачи во Формула 1.
– Возраста не е никаков проблем. Важна е брзината и мотивацијата, а нив ги има – вели првиот човек во тимот на Мерцедес.
Волф откри и дека пред две години имале преговори со шпанскиот возач, пред тој да замине во Мекларен, но до соработка не дошло поради ветувањето од Мерцедес кон Луис Хамилтон кој има договор со тимот со важност до 2018 година.
– По заминувањето од Ферари, Фернандо ги разгледуваше опциите, а една од нив беше Мерцедес. Тој разговараше со нас, но ние тогаш му ветивме на Луис Хамилтон дека додека го обновуваме неговиот договор, нема да разговараме со други возачи и така и направивме – открива Тото Волф.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
