Иако Кардашијан имаат милиони обожаватели, постојат и такви што не се одушевени од нив, а и не се плашат да го кажат тоа . Една од нив е холивудската актерка Ен Хатавеј, која прво објавила, а потоа и ја избришала фотографија на која се потсмева на сметка на Кардашијан и на нивните клонови низ светот. На фотографијата порачала: „Во светот полн со Кардашијан, бидете Хелена Бонам Картер“.
По бурната реакција, фотографија е избришана од профилот на најомразената холивудска актерка и е заменета со соопштение: „Информацијата е избришана поради ненамерно напаѓање на други. Не ми падна на памет дека споредувам еден со друг. Тоа не е во мој стил. Мир“, напишала Ен.
Со оглед на тоа дека Ким Кардашијан има навика да се пресметува со тие што не ја обожаваат, се очекува нејзиниот одговор. Досега веќе се судрила со Бет Мидлер, Пирс Морган и Клое Грејс Мориц, на кои не им се допаднале нејзините голи фотографии на „Инстаграм“. На Ен, можеби, ќе ѝ помогне фактот дека ја пофалила Ким во септември минатата година.
-Бев како сите други, кои мислат дека Кардашијан се славни само затоа што се славни. Но навистина ме импресионираше колку Ким Кардашијан ја поддржува Кетлин Џенер – рекла тогаш Ен Хатавеј.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
