Согласно Уставот и изборниот законик, кога ќе се распишат избори, слободна волја на политичките партии е дали ќе одлучат да учествуваат на тие избори или не, пишува членот на ДИК Силвана Бонева на социјалната мрежа Фејсбук
-Никој никого не може да присили да учествува на избори, како што никому не може да му се одземе правото да учествува на избори. Затоа, ако само една партија поднесеше листа на пратеници, а не коалиција од 21 партија, како што е коалицијата предводена од ВМРО-ДПМНЕ, ДИК е должна да спроведе избори. Впрочем, ДИК во поранешните состави имала искуство и спровела избори на кои учествувал само еден кандидат за градоначалник, а не коалиција, пишува Бонева која ова го дала како одговор на дилемата на членовите на ДИК од СДСМ на денешната седница за тоа дека граѓаните немале избор и дека претседателот на Собранието требало да се извести.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
