Луис Хамилтон ја освои пол-позицијата за главната трка од Шампионатот во Формула 1 што утре ќе се вози во Барселона.
Со време од 1:22.000 минути, возачот на Мерцедес беше најбрз на денешните квалификации на патеката „Каталуња“ и за него ова ќе биде третата пол-позиција сезонава.
Вториот возач на Мерцедес, Нико Розберг со втор најбрз извозен круг 1:22.280 минути, ќе стартува од првата линија веднаш до Хамилтон.
Зад возачите на Мерцедес, од третата и четвртата позиција ќе тргне тандемот на Ред Бул, Макс Ферстапен и Даниел Рикиардо.
Третиот ред ќе го пополнат возачите на Ферари, Кими Раиконен и Себастијан Фетел.
Од седмата до десеттата позиција ќе тргнат Валтери Ботас (Вилијамс), Карлос Сајнц (Торо Росо), Серхио Перез (Форс Индија) и Фернандо Алонсо (Мекларен).
Вкупно 22 возачи се најавени на стартот на главната трка за Големата награда на Шпанија, закажан за утре во 14 часот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
