На главната бина на Д ФЕСТИВАЛ, во петок, 15 јули доаѓаат британските ѕвезди на даб музиката, легендарните „Даб Пистолс“ (DUB PISTOLS)! Минатата година тие во голем стил се вратија на сцена со новиот албум „Return of the Pistoleros“, а нивниот препознатлив енергичен настап во живо со седум музичари на сцена, ќе го претстават како предводници на вечерта со која ќе биде отворено шестото издание на Д ФЕСТИВАЛ во Дојран.
Овој британски состав пред публиката на Д ФЕСТИВАЛ доаѓа со материјалот од новиот студиски албум за кој критиката вели дека е најдобриот во нивната досегашна кариера. Нашата публика ќе има прилика да го чуе во живо изданието кое бендот го објави неодамна и за кој главната причина за неговиот успех го лоцира во комбинацијата на старите и новите „Даб Пистолс“ влијанија, вклучувајќи го и Тим Хатон (Tim Hutton) во креирањето кој е познат како ко-автор на музиката за „Грув Армада“, Јан Браун и новиот албум на „Продиџи“.
Д ФЕСТИВАЛ годинава ќе се одржува од 15 до 17 јули во Дојран, а „Даб Пистолс“ ќе ја предводат програмата на првиот ден на главната бина. Покрај главната бина, Д ФЕСТИВАЛ подготвува музичка програма на повеќе бини, како и бројни изненадувања кои ќе бидат наскоро објавени. Посебна музичка, арт и забавна програма, годинава ќе биде подготвена за оние посетители кои ќе се одлучат за пакет влезниците и ќе престојуваат во кампот на Д ФЕСТИВАЛ, каде што ги очекуваат многу нови и разновидни содржини.
ВО ПРОДАЖБА СЕ НАЈПОВОЛНИТЕ EARLYBIRD ВЛЕЗНИЦИ САМО ВО ОГРАНИЧЕН БРОЈ
Д ФЕСТИВАЛ, единствениот open-air музички фестивал во Македонија за своите најверни посетители организира и посебна продажна акција на т.н.earlybird влезници по најповолните цени! Во рамки на оваа продажна акција достапни се само ограничен број фестивалски влезници и пакет влезници со камп за Д ФЕСТИВАЛ 2016.
Продажбата на earlybird влезниците се спроведува преку продажната мрежа на МКтикетс, каде што најбрзите купувачи ќе можат да ги набаваттридневните фестивалски влезници по цена од 600 денари или пакет влезниците кои вклучуваат фестивалска и камп влезница, по цена од 800 денари.
Сите детали околу продажбата на earlybird влезниците се достапни на овој линк.
*ВАЖНО! Камп билетите за Д ФЕСТИВАЛ 2016 нема да бидат достапни во претпродажба, туку истите ќе се продаваат САМО ВО ПАКЕТ ВЛЕЗНИЦИТЕ (фестивал + камп) и за време на одржувањето на фестивалот (по полна цена).
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
