Атлетико Мадрид го слави Антоан Гризман, францускиот ас кој го постигна единствениот гол за шпанскиот тим, кој на крајот се покажа и како пресуден за пласман во финалето на Лигата на шампионите. Баерн Минхен победи со 2-1, но тоа не беше доволно за да го елиминира Атлетико Мадрид, кој имаше предност од 1-0 од „Висенте Калдерон“.
Гризман признава дека Баерн Минхен беше подобар тим на вечерашниот дуел, но вели дека најважно е што Атлетико Мадрид ќе патува во Милано да биде дел од големото финале.
– Беше ова тежок натпревар, воопшто и не очекувавме ништо поинаку. Баерн Минхен беше подобар тим, создаде повеќе шанси, но ние постигнавме гол во вистински момент, кој ни даде сила да истраеме до крајот и да се пласираме во големото финале. Тоа е најважно, ние одиме во финале. Бевме фантастични во одбраната, од Облак, па се до последниот фудбалер – изјави Гризман.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
