Проектот „Земјоделски советници“ носи уште подобри денови за македонските земјоделци

Проектот „Земјоделски советници“ е еден придонес во надминување на одредени системски слабости во структурата на македонското земјоделство. Најголем дел од земоделските капацитети се кај семејните земјоделски стопанства, па влезот на нови технологии е малку потежок, вели Драги Димитриевски декан на Земјоделскиот факултет на вчерашната дебатна емисија на Телевизија Нова.

Од друга страна е и старосната структура и образовната кај овие земјоделски стопанства.

-Сето ова што се прави со проектот а има за цел доселување на млади лица во руралните подрачја, мерките кои се како дополнителни мерки за млади земјоделци кои сакаат да започнат бизнис, ќе донесат една нова структура која со себе ќе повлече и нови технологии кои ќе применат една добра земјоделска пракса во сите потсектори на земјоделското производство, а за тоа потребни се знаења. Дел од младите луѓе секако дека ќе дојдат со нови знаења но многу е значајна и промоцијата на овој проект за „Земјоделски советници“ кој ќе треба да помогнат на новите но и на постоечките земјоделци со цел да се пренесат знаењата, вели Димитриевски.

Сето она што ние како наука го правиме, вели тој, има за цел да се пренесе на земјоделците.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.