Жените ме преферираат мене, а не Хилари Клинтон, рече кандидатот на Републиканската партија за претседател на САД, Доналд Трамп.
Откако милијардерот ја доби поддршката на сопартијците за наследник на Барак Обама во Белата куќа, тој одржа жесток говор, во кој упати остри критики кон кандидатот на Демократската партија на актуелниот претседател.
– Мислам дека ако Хилари Клинтон беше маж, таа немаше да добие ни 5% од гласовите. Единствениот нејзин квалитет е тоа што таа е жена. Но, добрата вест е дека дамите не ја сакаат. Погледнете колку жени гласаа за мене, додаде тој.
Поранешната прва дама на САД, чија победа на изборите во редовите на демократите е речиси сигурна по вчерашното гласање во пет држави, вчера во Филаделфија, Пенсилванија изјави дека ако победи на гласањето за претседател на 8 ноември 2016 година, половина од министрите во Вашингтон ќе се жени.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
