Претставата „Суд“ од Коле Чашуле, во режија на Дамјан Читкушев, вечер во 20 часот ќе биде премиерно изведена во Центарот за култура „Ацо Шопов“ во Штип.
Според режисерот Читкушев вечерва љубителите на театарската уметност ќе имаат можност да видат неконвенционална претстава, во која главна тема е психолошкиот аспект на предавството.
– Мислам дека претставата го крши тој конвенционален кодекс, што го имал театарот овде и жанровски се крши малку од она што ние сме навикнати да биде театар, вели Читкушев.
Во претставата „Суд“ играат актерите Пеце Ристевски, Миле Вратеовски, Милорад Ангелов, Виктор Арев, Анѓелка Нашкова, Ефтим Ѓаурски и Александар Иваноски. Според актерите иако предавството и патриотизмот во овој момент се најжешкиот костен, сепак во претставата „Суд“ нема дневна политика.
– Навистина ние имавме убав процес, во кој што научивме по нешто и благодарение на режисерот, бидејќи во секој момент знаеше што сака и да го побара тоа од актерот што е потребно за сцената, вели актерот Пеце Ристевски.
„Суд” од Коле Чашуле во штипскиот театар се поставува по втор пат, а првпат била изведена пред околу дваесетина години. Сценографијата за „Суд” ја изработи Стефан Спировски, а костимографијата е на Мелани Демитровска.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
