Научниците: Смартфоните предизвикуваат страбизам кај децата

Долгата употреба на смартфон може да биде причина за страбизам. Ова го покажуваат резултатите од истражувањето на научниците од универзитетската болница Чоннам во Јужна Кореја.

Особено голем е ризикот за деца на возраст помеѓу 7 и 16 години.

Научниците истакнуваат дека во последно време болницата примила голем број млади пациенти со знаци на страбизам. Како што се изјасниле во рамките на истражувањата, младите пациенти за игри и читање користеле смартфоните помеѓу 4 и 8 часа дневно.

Во 9 од 12 случаи симптомите исчезнале два месеци откако пациентите престанале со употребата на смартфоните. Според мислењето на лекарите, тоа овозможило да се воспостави врска помеѓу употребата на смартфони и страбизам.

Научниците препорачуваат родителите да ги следат нивните деца, да не им дозволуваат да ги користат смартфоните повеќе од половина час без прекин и да прават паузи, за да не им се презаморуваат нивните очи.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.