Актуелната политичка состојба беше главна тема на заедничката средба на лидерите на верските заедници во Македонија, од која упатија апел за конструктивен дијалог, смиреност и воздржаност од дејствија кои се штетни за државата и граѓаните на Република Македонија.
OLYMPUS DIGITAL CAMERA
Тие изразија загриженост поради зачестените појави на ксенофобија, антисемитизам, исламофобија и христијанофобија, како и омраза на говор – насочени против припадници на одредени верски заедници и ентитети, но и воопшто.
– Загрижувачка е и претставува основа за дискриминација и насилство и појавата на изедначување на оние кои, узурпирајќи одредена религија, сеат терор, убиваат и шират радикализам, со оние кои се искрени припадници на истата религија, оценија поглаварите и претставниците на црквите и верските заедници.
На средбата во Скопје се разгледаа и повеќе аспекти од религиозниот и општествениот живот во државата.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
