Антоан Гризман покажа зошто е еден од најпосакуваните фудбалери во Европа, постигнувајќи ги двата гола за триумф на Атлетико од 2-0 и елиминација на Барселона од Лигата на шампионите. Сосема очекувано, Французинот беше презадоволен по завршниот свиреж на „Висенте Калдерон“, исход со кој Атлетико повторно се најде меѓу најдобрите четири клуба во Европа.
– Мора да сме горди, го победивме клубот што според многумина е најдобар во светот. Нормално беше на моменти да имаме проблеми, па сепак играме со Барселона. Сепак, најважно од се е што одговоривме на предизвикот, одигравме фантастично и сосема заслужено стигнавме до победата. Ова беше извонреден тимски настап. Дали е дојдено време за титула? Како што вели нашиот тренер, уживаме во секој натпревар и не размислуваме предалеку – истакна Гризман.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
