Вчера околу 13 часот, на земјено проширување покрај магистралниот пат Гостивар – Кичево, половина километар до бензинската пумпа на Стража, граѓанин што запрел тука забележал човечки череп и веднаш се јавил во Полициската станица Гостивар.
За кусо време на посоченото место е испратена увидна екипа, која во консултација и координација со јавен обвинител, извршила комплетен увид.
Човечкиот череп, кој бил без долна вилица и со 14 релативно сочувани заби е фотодокумениран, подигнат по наредба на јавен обвинител ќе се вештачи, за да се утврди кому му припаѓа и колку е стар, односно од кое време потекнува.
Местото на кое е пронајден черепот од вчера полициски соодветно се обезбедува и планирано е негово целосно пребарување, евентуално да се пронајдат и други остатоци.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
