Порше Македонија и брендот Ауди заедно со кината Синеплекс се организатори на премиерната вечер на „Iron Man 3“, која ќе се одржи на 25 овој месец во 20:30 часот. Man’s Night е вечер во знакот на херојот Тони Старк и неговиот супер автомобил, на која посетителите ќе уживаат во интересни изненадувања, специјално подготвени за нив.
Од футуристички концепт до реалност. Тоа е патот на новиот Audi e-tron кој ни доаѓа директно од големиот екран. Тестиран од инженерот Тони Старк, портретиран од брилијантниот Роберт Дауни Џуниор, новиот Ауди R8 E-Tron е возило создадено за иднината.
Дизајниран врз веќе постоечкиот и докажан дизајн на R8, Audi e-tron е најбрзиот електричен автомобил со постигнати, малку повеќе од 8 минути на тркачката патека во Нирбург и сето тоа на струја наполнета од стандарден 230V приклучок кој се наоѓа во секое домаќинство. Со моќност од 230 kW (313 hp), електричниот двосед има забрзување од 0 до 100 за само 4.8 секунди и на која може да му завидат голем број на спортски автомобили. Комбинацијата од алуминиум и карбонфибер го прави ова возило да тежи само 1600 килограми што дополнително ја намалува потрошувачката на електрична енергија, па така со едно полнење од 2,5 часа може да го возите новиот Ауди R8 е-tron дури 248 километри. Совесен кон природата Audi e-tron не само што не создава никакви емисии на штетни гасови во околината, тој има посебно дизајниран звук од Рудолф Халбмиер како уникатно решение кое го прави безбеден и сигурен за останатите учесници во сообраќајот, а сепак го задржува својот интегритет како моќно спортско возило.
Врвната Ауди технологија и дизајн се традиционално присутни во животот на филмските супер херои. Овој пат претставени преку Audi R8 e-tron во главна улога, но покрај него се појавуваат и Audi S7 Sportback, и останатите модели Ауди A8 L, A6, S5 Coupé и Q5.
Во знакот на „Iron Man“ и неговиот супер автомобил, во текот на следните недели, ќе се одвива конкурс за дизајнирање на една страна стрип. Најдобрите 10 ќе бидат изложени во фоајето на салата Синеплекс, така што сите ќе имаат можност да го дадат својот глас и да го изберат најдобриот стрип.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
