Рускиот гигант ЦСКА Москва потешко од очекувањата славеше победа во првиот натпревар од четвртфиналето во кошаркарската Евролига против Црвена Звезда со 74-64.
Тимот на Итудис важи за асполутен фаворит во овој дуел кој треба во серијата подобар до три победи да го даде првиот патник на фајнал-форот. Сепак во Москва гостите од Белград се покажаа како тврд орев вистински ја намачија ЦСКА.
Звезда одлично го започна мечот и по само 3 минути имаше предност од 9-2. Тренерот на домаќините побара тајм-аут за да ги консолидира редовите и направи серија со која го преземаа водството кое на полувреме изнесуваше само четири поена (44-40).
иако во третиот период Русите поведоа и со единаесет поени разлика, Црвена звезда успеа да се врати и да одржува резултатска неизвесност се до четири минути до крајот, кога ЦСКА успеа уште еднаш да се одлепи и да ја одржи солидната позитива до самиот крај, за конечни 74-64.
Теодосиќ беше предводник на ЦСКА со 23 поени, 6 скока и 6 асистенции, а одличен беше и Хајнс, кој реализираше 21 поен. Кај Црвена звезда најефикасни на ова гостување беа Милер и Јовиќ со по 14 поени.
Следниот натпревар од оваа серија, која се игра до три добиени меча, е на програмата в четврток, исто така во Москва.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
