Доделување на меѓународните награди „Ана Франк“ и „Златен прстен“

На Меѓународниот саем на книгата во Скопје, денеска ќе бидат врачени меѓународните награди „Ана Франк“ и „Златен прстен“.

Наградата „Ана Франк“ ќе ја прими Сунчица Дениќ, декан на Педагошкиот факултет од Врање (Србија), додека наградата „Златен прстен“ ќе му биде врачена на познатиот македонски поет, критичар и есеист, Санде Стојчевски.

На средбата, на штандот на издавачката куќа „Феникс“, ќе биде претставен и истакнатиот српски поет Мирослав Михаиловиќ, основач и координатор на манифестацијата „Борина недела“ во Врање.

Промоцијата ќе биде заокружена со претставување и на најновата поетска книга „Гулаб и ноќ“ од Христо Петрески, во издание на „Феникс“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.